Toni Bleyr Epsteinlə görüşübmüş: İllər sonra ifşa olundu

Toni Bler və Cefri Epşteyn Görüşü Açıqlandı

Britaniyanın yayım təşkilatı BBC-nin əldə etdiyi sənədlərə görə, Toni Blerin 14 may 2002-ci ildə Baş Nazirin Ofisində Cefri Epşteynlə keçirdiyi görüş, dövrün yüksək rütbəli bürokratlarından Metyu Raykroft tərəfindən hazırlanan məxfi qeyddə öz əksini tapıb.

"Super Varlılar"ın Maliyyə Məsləhətçisi

Qeyddə Epşteyn "super varlıların maliyyə məsləhətçisi" kimi təsvir edilərkən, Toni Blerin yerli vaxtla saat 17:00-da keçiriləcək görüşdən əvvəl məlumatlandırıldığı bildirilir. Cefri Epşteyn bu görüşdən altı il sonra, 2008-ci ilin iyun ayında qız uşaqlarına qarşı cinsi istismar ittihamları ilə mühakimə olunub. Toni Blerin sözçüsü BBC-yə verdiyi açıqlamada, "Bler xatırladığına görə, 2002-ci ildə Baş Nazirin Ofisində Epşteynlə yarım saatdan az davam edən bir görüş keçirib. Görüşdə yalnız ABŞ və Britaniya siyasəti müzakirə edilib. Bu, onun cinayətləri məlum olana qədər idi və bundan sonra bir daha görüşməyiblər," deyə bildirib.

Mandelsonun Vasitəçiliyi və Bill Klintonun Təşəbbüsü

Sənədlərə əsasən, görüş tələbi Toni Blerin yaxın iş yoldaşı Lord Piter Mandelson tərəfindən çatdırılıb. Mandelson dövrün Baş Nazir Aparatının rəhbəri Conatan Pauellə göndərdiyi e-poçtunda Epşteyni "dostum" adlandıraraq, "ABŞ-ın keçmiş prezidenti Bill Klinton onu Toni Blerlə tanış etmək istəyirdi" ifadəsini istifadə edib. Mandelson həmçinin Cefri Epşteyni "etibarlı, gənc, enerjili və dünya bazarları haqqında bilikli bir şəxs" kimi təsvir edərkən, Toni Blerin də bu görüşə müsbət yanaşdığını bildirib.

Əvvəlcə Gizlədilən Sənədlər İctimaiyyətə Sızdı

Sözügedən sənədlər Britaniya hökuməti tərəfindən daha əvvəl "Britaniya-ABŞ münasibətlərinə zərər verə biləcəyi" səbəbiylə ictimaiyyətə açıqlanmamışdı. Lakin sənədlər son dövrlərdə Milli Arxiv tərəfindən Məlumat Əldə Etmə Azadlığı Qanunu çərçivəsində yayımlanıb. Mandelson o dövrdə kabinetdən iki dəfə istefa etməsinə baxmayaraq, İşçi Partiyası daxilində təsirini qoruyurdu. Sənədlərdəki qeydə görə, Cefri Epşteynin Bill Klinton və Şahzadə Endryuya yaxın şəxs olduğu da bildirilir.

Cefri Epşteyn İttihamları və Sirli Ölümü

Ən kiçiyi 14 yaş olmaqla, 18 yaşından kiçik onlarla qız uşağına qarşı cinsi istismar etmək və fahişəlik şəbəkəsi yaratmaq ittihamı ilə mühakimə olunan Cefri Epşteyn, Nyu-Yorkun Manhetten Metropoliten Mərkəzi Həbsxanasında dustaq olarkən, 10 avqust 2019-cu ildə kamerasında ölü tapılmışdı. Açıqlanan Epşteyn məhkəmə sənədlərində Şahzadə Endryu, ABŞ prezidenti Donald Tramp, keçmiş ABŞ prezidenti Bill Klinton, keçmiş İsrail Baş Naziri Ehud Barak, keçmiş ABŞ vitse-prezidenti Al Qor, aktyor Kevin Speysi, müğənni Maykl Cekson, illüzyonist Devid Kopperfild, vəkil Alan Derşovits və keçmiş Nyu-Meksiko qubernatoru Bill Riçardson kimi tanınmış adlar yer almışdı. ABŞ Federal Təhqiqatlar Bürosu (FBI) da ABŞ Ədliyyə Nazirliyi ilə apardığı araşdırma nəticəsində tanınmış adlardan ibarət "müştəri siyahısı"nın aparıldığına dair heç bir sübuta rast gəlinmədiyini, aralarında hökumət rəsmiləri, məşhurlar və iş adamlarının da olduğu şəxslərin cinayətə ortaq olması səbəbindən ört-basdır edilməsi məqsədilə qətlə yetirildiyi iddia edilən Epşteynin əslində kamerasında intihar etdiyi qənaətinə gəldiyini açıqlamışdı. ABŞ-lı jurnalist Taker Karlson da Epşteynin "İsrail üçün işlədiyini, paytaxt Vaşinqtonda hər kəsin eyni şeyi düşündüyünü, lakin bunu açıq şəkildə söyləyə bilmədiyini" iddia etmişdi. Wall Street Journal (WSJ) qəzeti isə Epşteynin sevgilisi Ghislaine Maxwellin, Epşteynin 50-ci doğum günü münasibətilə tanışlarından ona məktub yazmasını istədiyini, bunlardan birinin də ABŞ-ın keçmiş prezidenti Donald Trampa aid olduğunu irəli sürmüşdü.

24 saat