Alperen Şengün karyera rekordunu yenilədi

NBA-də 2025-2026 mövsümü start götürdü və ilk həftədən maraqlı hadisələrə şahidlik etdi.

Houston Rockets komandasının heyətində yer alan Türkiyəli basketbolçu Alperen Şengün, mövsümün açılış həftəsinin ən diqqət çəkən oyunçularından biri oldu.

Houston Rockets səfərdə Oklahoma Siti Thunder ilə qarşılaşdığı oyunda, Alperen Şengün möhtəşəm bir performans sərgilədi. İki dəfə əlavə vaxtın oynanıldığı gərgin mübarizədə Alperen Şengün-ün səyləri Rockets-ə qələbə qazandırmadı və Thunder oyunu 125-124 hesabı ilə başa vurdu.

Parketdə 49 dəqiqə keçirən Alperen Şengün, 39 xal, 11 ribaund, 7 asist, 2 top alma və 1 blok ilə izləyiciləri heyran etdi. 8 dəfə cəhd etdiyi uzaq məsafəli atışlardan 5-ni dəqiq yerinə yetirərək NBA karyerasında yeni bir rekorda imza atan Türkiyəli basketbolçu, həmçinin NBA tarixinə də adını yazdırdı.

Alperen Şengün, NBA tarixində mövsümün açılış oyununda 35 xaldan çox, 10-dan çox ribaund, 5-dən çox asist və 5 üçlük xalı qazanan ilk oyunçu olaraq tarixi bir nailiyyətə imza atdı.

24 saat