Məşhur rejissor borc bataqlığında: Kolleksiyasını satır

Francis Ford Coppola saatlarını satışa çıxarır

"Baba" filmlər seriyasının rejissoru və Oskar mükafatçısı Francis Ford Coppola borclarını ödəmək üçün şəxsi saat kolleksiyasının bəzi parçalarını hərraca çıxarmağa hazırlaşır.

Romadan etdiyi açıqlamada rejissor, dekabrın 6-da bir onlayn hərrac platforması vasitəsilə yeddi saatını satışa təqdim edəcəyini bildirdi. O, vəziyyəti "Gəmini üzməkdə saxlamaq üçün bir qədər pula ehtiyacım var" sözləri ilə izah etdi.

Coppolanın maliyyə tarixi

Coppolanın maddi çətinliklər yaşaması ilk dəfə deyil. Tanınmış rejissor 1982-ci ildə "One from the Heart" adlı böyük büdcəli musiqili filmini çəkərkən layihəyə şəxsi vəsaitini yatırmışdı. Lakin filmin kassada gözlənilən uğuru qazanmaması ona böyük borclar gətirmişdi.

1992-ci ildə iflas proseduruna başlayan Coppola, həmin vaxt kreditorlarına 98 milyon dollar borcu olduğunu və cəmi 53 milyon dollarlıq aktivlərə sahib olduğunu bəyan etmişdi. Bu faktlar onun maliyyə həyatında qarşılaşdığı çətinliklərin davamlı xarakterini ortaya qoyur.

24 saat