Dünyanın ən qorxunc oteli: Qonşu səsləri tükləri biz-biz edir

ABŞ-ın Şimali Karolina sahillərindən, Atlantik Okeanının mərkəzində yerləşən Frying Pan Qülləsi, "dünyanın ən təhlükəli oteli" kimi tanınır. Köpəkbalıqları ilə əhatə olunmuş suları və qasırğa xəttinin tam mərkəzindəki bu tikili, adrenalin həvəskarlarını qonaq edir...

Yeganə Nəqliyyat Yolu

Şimali Karolina sahilindən təxminən 50 kilometr (32 mil) uzaqlıqda yerləşən Frying Pan Qülləsi əslində 1960-cı illərdə inşa edilmiş keçmiş bir ABŞ Sahil Mühafizəsi mayakıdır. 2000-ci illərin əvvəllərində fəaliyyəti dayandırılan bu tikili, 2012-ci ildə təxminən 60 min sterlinqə (təxminən 3.3 milyon TL) özəl bir sahibkara satılıb. Yalnız helikopterlə çatmaq mümkün olan bu obyektə gediş-dönüş nəqliyyat xərcləri təxminən 2 min sterlinq (təxminən 110 min TL) təşkil edir. Həftəsonu gecələmə haqqı isə 460 sterlinqdən (təxminən 26 min TL) başlayır.

Köpəkbalıqları İlə Birgə Tətil

Frying Pan Qülləsini bu qədər "təhlükəli" edən amillərdən biri də ətrafındakı köpəkbalığı sürüləridir. Ziyarətçilər, təhlükəsizlik tədbirləri altında xüsusi bir sistemlə dəniz səviyyəsinə enərək köpəkbalıqlarını qidalandırma fəaliyyətinə qatıla bilirlər. Bu təcrübə tamamilə könüllüdür; iştirak edənlər "riski öz üzərinə götürərək" dərin sulara enirlər. Lakin macəra bununla bitmir. Qüllə, eyni zamanda Atlantik qasırğa zolağında yerləşir. İllər boyu saysız-hesabsız fırtınalara sinə gərmiş bu tikili, 2016-cı ildə "Architectural Digest" jurnalının diqqətini cəlb etmiş və "Bu, dünyanın ən təhlükəli oteli ola bilərmi?" sualına mövzu olmuşdu.

24 saat